Visualizza wikitesto di Ozzy Osbourne

Non si dispone dei permessi necessari per modificare questa pagina, per il seguente motivo:
Il tuo indirizzo IP è in un intervallo che è stato bloccato su tutti i wiki della Wikimedia Foundation.
Il blocco è stato eseguito da ‪AntiCompositeNumber‬. La motivazione fornita è Open proxy/Webhost: See the help page if you are affected .
Inizio del blocco: 15:15, 19 Dec 2024
Fine del blocco: 15:15, 19 Dec 2026
Il tuo indirizzo IP attuale è 13.220.141.54. L'intervallo bloccato è 13.220.0.0/16.
Si prega di specificare tutti i dettagli qui inclusi nel compilare qualsiasi richiesta di chiarimenti.
Se ritieni di essere stato bloccato per errore, puoi trovare ulteriori informazioni e istruzioni nella Procedura guidata per il blocco degli stewards.
È possibile visualizzare e copiare il codice sorgente di questa pagina.
{{Metacaixa
|id=0
|color=
|bt1=Miranduléś
|bticona1=[[File:Mirandola-stemma.gif|16px]]
|ps1=
__NOTOC__

{{dialort | dial=Miranduléś}}

[[File:OzzyChangingHands02-20-2010.jpg|265px|thumb|right|Ozzy Osbourne tòlt śò in dal 2010]]

[[File:Ozzy_Osbourne_Cardiff_1980.jpg|265px|thumb|right|Ozzy da 'l viṿ a Cardiff in dal 1980]]


{{CITAZIONE2|Wine is fine but whiskey's quicker, suicide is slow with liquor, take a bottle, drown your sorrows then it floods away tomorrows.|Al vèṅ 'l è bòṅ ma al whiskey al fà prima, al suicìdi 'l è lènt cun al liquōr, tó na butìglia, fóga al tò dulōr che pò cun la curènt al s traśa sèg i dmaṅ.|'''Suicide Solution''', ''1980''|DIALETTO={{Mud}}|LINGUA={{En}}}}


'''John Michael Osbourne''', cgnusû méj cuma ''Ozzy Osbourne'' ([[Marston Green]], 3 ad Dicémbar dal 1948 - [[Birmingham]], 22 ad Luj dal 2025), 'l è stâ 'n cantànt e cumpuśidōr [[heavy metal]] ingléś, ''leader'' dal grup di [[Black Sabbath]] in di an Stanta e pò cantànt ad sucès par sò cònt da i an Utànta a gnir a 'dès. Al sò [[scutmàj]] 'l è ''The Madman'' (''Al Mat'') o anc ''Prince of Darkness'' (''Prìnsip dal scûr'').

In dla sò caréra da par lò 'l à vindû da piò ad sinquànta migliòṅ ad disc in tut al mónd, sènt migliòṅ śuntànd-ag anc quéi fat cun i [[Black Sabbath]]. 'L à anc fat 'l atōr in quàtar film, al più famóś di quài 'l è [[Morte a 33 giri]] insém a [[Gene Simmons]] di [[Kiss]].

== Biugrafìa ==

Ozzy al nas da na famìja sénsa [[bèsi]], i sò genitōr ''Jack e Lillian Osbourne'' i éran difàti di uperài pòvar. Da pìcul al gh'iva anc di prubléma a dascórar esénd diślèsic e òṅ ch'al tartajàva. A scóla al gh'iva un cumpàgn ch'a n andàva minga 'd acòrd sèg, ''Anthony Frank Iommi'' (cgnusû in séguit cuma [[Tony Iommi]]): chi lōr dū i s piciàvan da spés.

A quatórd'ś an ''Ozzy'' al taca a cantàr in un grup muśicàl ciamâ ''The Black Panthers'' ma pò al lasa la scóla 'l an dòp par lauràr e purtàr a cà di bèsi faghénd al maslàr, al muradōr e 'l idràulic, ma qvìst chè i èṅ di mistēr ch'i gh faṅ [[schiva]] e ''John'' al decìd acsè ad far invéci di furt. Durànt un tentatìṿ ad tōr un televiśōr da 'n apartamènt, chi lò al ślìcia par tèra cun cal péś lè adòs e al vèṅ acsè purtâ in parśòṅ. Scuntâ la péna, ''Ozzy'' al decìd ad sunàr incóra, prima cun i ''Music Machine'' e pò cun gl’''Approach'' tulénd par lò al nóm 'd art 'd ''Ozzy Zig''.

=== I Black Sabbath ===

Un dè ''Ozzy'' al mèt fóra da 'n negòsi ad disc un bijitèṅ cun scrit insìma «Ozzy Zig requires gig. Owns own P.A.» (''Ozzy Zig al pésca da far di cuncèrt. Al gh'à 'n amplificadōr suo''). [[Tony Iommi]] e [[Bill Ward]], pasànd da 'd là, i lèśan al mesàǵ e i decìdan 'd andàr a cà sua a catàr-al parchè ''Iommi'' al n psiva minga crédar ch'al sò vèć cumpàgn ad scóla al faśìs al cantànt. I nàsan acsè i ''Polka Tulk Blues Band'' cun ''Ozzy'' ch'al s pòrta a drē al chitarìsta, pò basìsta, [[Geezer Butler]]. Dòp pôc tèmp al grup al càmbia nóm in [[Black Sabbath]], al tìtul ingléś 'd un film ad scarésa ad [[Mario Bava]] dal 1963 da 'l tìtul [[I tre volti della paura]]. La banda la mét in fila di disc ad sucès cuma '''Black Sabbath''', '''Paranoid''', '''Master of Reality''' e '''Sabbath Bloody Sabbath''' ma i rìvan anc di prubléma p'r ''Ozzy'' ch'al dvénta 'n [[Imberiêg|imbariagòs]] drugâ pódag.

Dòp un brut mumènt, la mòrt ad sò pàdar, ''Ozzy'' al decìd ad mulàr al grup par far-an òṅ tut suo. Al sò pòst al vèṅ tòlt par [[Dave Walker]] di [[Fleetwood Mac]] ma pò al ''Madman'' al càmbia idéa turnànd in si sò pas in dal 1978, in tèmp par far gnir fóra '''Never Say Die!''', un disc dasfurtunâ ch'al séggna anc la fiṅ dal sò rapòrt cun i ''Black Sabbath''.

=== Caréra da par lò ===

Casâ fóra da i [[Black Sabbath]], al cantànt al s buta śò srand-as dèntar in na cambra d'n albêrg par 'n an a bévar e a drugàr-as, dasprâ par cum l'éra finìda. Cun 'l ajùt ad [[Sharon Arden]], fiōla dal ''manager'' di ''Black Sabbath'' ch'la dvintarà pò sò mujér, ''Ozzy'' al decìd ad métar sù un grup par sò cònt, tulénd cuma chitarìsta, su cunsìli ad [[Dana Sturm]], [[Randy Rhoads]] di [[Quiet Riot]]. I àtar mémbar dal sò grup i èṅ [[Lee Kerslake]] a la baterìa e [[Bob Daisley]] a 'l bas. Al prim disc, [[Blizzard of Ozz]] al pòrta pròpria al nóm ch'al gh'iva a 'l inìsi 'l grup e a véd la luś in dal Setémbar dal 1980 par la [[Epic Records]], cun di braṅ dvintâ di clàsic cuma ''I Don't Know'', ''Crazy Train'', ''Goodbye to Romance'', ''Mr. Crowley'', ''Revelation (Mother Earth)'', ''Steal Away (The Night)'' e ''Suicide Solution''. 'L àlbum al vénd dimóndi, specialmènt in di [[Stat Unî]] in dua al rèsta in clasìfica par dū an vinsénd anc un disc ad plàtin.

{{CITAZIONE2|Mr. Crowley, what went on in your head? Oh, Mr. Crowley, did you talk to the dead? Your life style to me seemed so tragic with the thrill of it all, you fooled all the people with magic, yeah, you waited on Satan’s door.|Sgnór Crowley, cuśa t è'l pasâ in cla suca lè? Sgnór Crowley, dascurìv-at cun i mòrt? Al tò stîl ad vita al m è pars acsè tràgic cun tut i sò [[śgriśōr]], 't inganàv la gint cun la magìa e 't aspitàv 'l arciàm ad Sàtana.|'''Mr. Crowley''', ''1980''|DIALETTO={{Mud}}|LINGUA={{En}}}}

'L an dòp 'l è al tùr'n ad [[Diary of a Madman]] (1981), disc ad sucès anc qvést chè, cun i sìngui ''Flying High Again'' e ''Over the Mountain''. 'L àlbum al dascór dal studiōś d'l ucultìśum [[Aleister Crowley]]. Al 19 ad Mars dal 1982 a mōr in 'n incidènt in aparéć al chitarìsta [[Randy Rhoads]] (in sò unōr al gnarà pò fóra un disc da 'l viṿ in dal 1987 da 'l tìtul [[Tribute (Ozzy Osbourne)|Tribute]]). Par finìr al ''tour'' a vèṅ tòlt [[Bernie Torme]] (ex [[Gillan]]). 

Par rispónd'r a 'l ''live'' di [[Black Sabbath]] [[Live Evil]] ''Ozzy'' al fà vgnir fóra un disc da 'l viṿ anc lò, [[Talk of the Devil]] pîṅ ad braṅ dal sò vèć grup anc se fóra da 'l [[Régn Unî]] al disc 'l è cgnusû cuma [[Speak of the Devil]].

=== I prim an Utànta ===

[[File:Ozzy Osbourne 1982.jpg|280px|thumb|left|Ozzy durànt al ''Diary of a Madman Tour'' d'l 82]]

In dal Favràr dal 1982, ''Ozzy'' al s catàva in dal [[Tèxas]] par dar n'uciàda a [[Fort Alamo]] quànd, imbariâ pódag, 'l éra vgnû fóra da la sò cambra 'd albêrg e al s éra mis a pisàr atàc a 'n mur dal furtèṅ, finénd acsè in parśòṅ. Turnâ in libertà, al ''Madman'' al fà vgnir fóra in dal Dicémbar dal 1983 al sò tèrs disc da studi, [[Bark at the Moon]], cun lò ch'al fà al [[lóv]] manâr in sla cupertìna. Ólt'r a la ''title track'', cal lavōr chè, dimóndi vindû in di [[Stat Unî]] (tri disc ad plàtin), al gh'à dèntar soquànt di sò braṅ più famóś cuma ''Centre of Eternity'' (ciamàda invéci ''Forever'' in soquànti edisiòṅ europei dal disc), ''Rock’n’Roll Rebel'', ''So Tired'' (un lènt sarnî cuma secónd sìngul) e ''You're No Different''. A la chitàra, a 'l pòst ad ''Rhoads'', a gh'è [[Jake E. Lee]].

{{CITAZIONE2|Screams break the silence, waking from the dead of night, vengence is boiling, he’s returned to kill the light then when he’s found who he’s looking for, listen in awe and you’ll hear him, bark at the moon. Years spent in torment, buried in a nameless grave, now he has risen, miracles would have to save those that the beast is looking for.|I sîg i śbràg'n al silènsi, i al faṅ daśdàr in dal cōr dla nòt, la vindéta l'è in dl'ària, lò 'l è turnâ par masàr la luś pò quànd 'l arà catâ quél ch'l è drē a pascàr, scólta armanénd-ag e 't al sintirà, al baja a la luna. 'L à pasâ di an in dal turmént, saplî in na fòsa sénsa nóm, adès al s è daśdâ incóra, sōl di miràcui i prévan salvàr quéi che ch'la bistiàsa lè 'l è drē a pascàr.|'''Bark at the Moon''', ''1983''|DIALETTO={{Mud}}|LINGUA={{En}}}}

In cal méntar la ''Sharon'' (dvintàda sò mujér e la sò ''manager'') la 'l cunvìns a pasàr a la [[CBS]]/[[Columbia]] e pò a far-as curàr in clìnica. In dal 1984 ''Ozzy'' al finìs incóra na vòlta in parśòṅ parchè bcâ imbariàg a giràr trambalànd p'r al stradi ad [[Memphis]] ([[Tennessee]]), un quèl che là a n s pōl minga far parchè cuntràri a la léǵ.

In dal Favràr dal 1986 'l è al tùran ad [[The Ultimate Sin]] (tìtul pruviśòri ''Killer of Giants'' cuma una dal canti ch'i s càtan lè dèntar), un lavōr ch'l à vindû tri migliòṅ ad còpi (rivànd a 'l sèst pòst dla [[Billboard]]) davśinànd-as dimóndi a 'l [[hair metal]]. Da drē da la baterìa a gh'è [[Randy Castillo]], òṅ ch'l iva sunâ cun la [[Lita Ford]], mént'r al bas 'l è sunâ da [[Phil Soussan]]. Al sìngul ad sucès 'l è ''Shot in the Dark''.

{{CITAZIONE2|If none of us believe in war then can you tell me what the weapon’s for? Listen to me everyone, if the button is pushed there’ll be nowhere to run. Giants, sleeping giants, winning wars within their dreams, ‘till they wake when it’s too late and in God’s name blaspheme.|Se ninsòṅ ad nuàtar al créd in dla guèra, pō't dir-'m alóra a cuśa i sarvìsan gl'armi? Scultâ tut, s'al butòṅ al vèṅ schisâ a n gh sarà gnanc un pòst in du andàr. Gigànt, gigànt ch'i dòrman, ch'i vìnsan dal guèri in di sò sógn, in fiṅ tant ch'i s darsédan quànd 'l è tròp tard śmadunànd in nóm ad Dio.|'''Killer of Giants''', ''1986''|DIALETTO={{Mud}}|LINGUA={{En}}}}

=== 'L arìṿ ad Zakk Wylde ===

[[File:Zakk_Wylde_1.jpg|250px|thumb|right|Wylde al sòna la sò chitàra „''Bullseye''“]]

A cal punt lè però [[Jake E. Lee]] al mòla 'l grup e ''Ozzy'' al sarnìs a 'l sò pòst al śóvan [[Zakk Wylde]] catànd acsè al sò sunadōr parfèt, dū ch'i s inténdan dimóndi bèṅ anc fóra da 'l piàṅ prufesiunàł (''Ozzy'' al tgnarà a batéś al prim fiōl ad ''Zakk''). 

La prima ucaśiòṅ par lavuràr sèg ''Osbourne'' al gh l'à cun [[No Rest for the Wicked]] d'l Utóbar dal 1988 in dua al chitarìsta biónd al gh'à la manéra ad druàr al sò stîl persunàl fat 'd armònic artificiài ch'i gh parmétan ad far gnir fóra di sòṅ ch'i s davśìnan a di [[fisć]]. Al disc 'l è dimóndi più dûr dal precedènt ('l à vindû quàtar migliòṅ ad còpi in tut al mónd e 'l à ciapâ tri disc ad plàtin di di [[Stat Unî]]) e al véd in cupertìna ''Ozzy Osbourne'' sintâ insìma a 'n scranòṅ pîn ad pèli ad bèsti e ad tésć cun 'd intóran da lò na cōrt fata da tri [[sigàgn|sigàgni]] pìculi. 

In dal disc al bas 'l è sunâ par [[Bob Daisley]] ch'al s è dâ da far anc a livèl cumpuśitìṿ acsè cuma in di disc ''Blizzard of Ozz'' e ''Diary of a Madman'' a n catànd però briśa pòst in di crèdit. Sōl dòp na càuśa cónt'r al ''Madman'' chi lò al s è vdû arcgnósar i sò dirìt 'd autōr, sénsa però che dal sò foto i cumparìsan in dal [[booklet]] dal disc, in du a s véd invéci [[Geezer Butler]], vèć cumpàgn a i tèmp di [[Black Sabbath]], ch'al sunarà pò in dal ''tour'' sucesìṿ (cuma anc in dal [[Moscow Music Peace Festival]] dal 1989) e ch'al cumpàr anc in di vìddeo prumusiunài cuma quél ad ''Miracle Man'' (prim sìngul) in dua al grup al sòna in na [[Cèsa|céśa]] in méś a di [[Nimêl|nimài]] par tōr in gir al predicadōr televiśìṿ ''Jimmy Swaggart'', òṅ ch'al gh'à sèmpar dâ adòs faghénd-ag di predicòs cóntar prima 'd èsar bcâ da la pulisìa c'n al [[braghi]] śò e na putàna sèg. I àtar vìddeo dal disc i èṅ ''Crazy Babies'' (ch'al dascór di putèṅ nâ dipendènt da la dròga) e ''Breakin' All the Rules'' anc se pò i n èṅ minga vgnû fóra cuma sìngui.

{{CITAZIONE2|A Devil with a crucifix, brimstone and fire, he needs another carnal fix to take him higher and higher, now Jimmy he got busted with his pants down, repent ye wretched sinners, self righteous clown. Miracle Man got busted.|Un Diàvul cun un crusifìs, sólf'n e fōg, al gh'à biśógn 'd 'n àtar cuntàt carnàl p'r andàr sémpar più in élt, adès Jimmy 'l è stâ bcâ cun al braghi śò, pcadōr pintîv vuàtar miśerabìi, pajàs bòṅ par vò. 'L Óm di Miràcui 'l è stâ arestâ.|'''Miracle Man''', ''1988''|DIALETTO={{Mud}}|LINGUA={{En}}}}

Sémp'r in dal 1988 ''Ozzy'' 'l incìd al braṅ ''Close my Eyes Forever'' insém a la [[Lita Ford]] p'r al sò disc [[Lita]]. In dal méś 'd Agóst pò i rìvan di àtar prubléma cun la léǵ p'r al ''Madman'' parchè, dòp avér bvû quàtar butìgli ad vodka, imbariagòs cum 'l éra, 'l iva tintâ ad strusàr sò mujér ''Sharon''. Pardunâ da lē e lasâ lìbar, ''Ozzy'' al taca incóra un prugràma ad riabilitasiòṅ.

In dal 1990 ''Ozzy'' al fà catàr in di negòsi un EP da 'l viṿ da 'l tìtul [[Just Say Ozzy]] pò 'l an dòp al disc [[No More Tears]], cuciâ in élt da 'l sìngul umònim, ch'al fà sù sinc disc ad plàtin. Par butàr śò 'l calti ''Ozzy'' al s éra fat jutàr par [[Zakk Wylde]], par [[Randy Castillo]], p'r al basìsta nóṿ [[Mike Inez]] (prima ch'al pasìs c'n i [[Alice in Chains]]) e par [[Lemmy Kilmister]] leader di [[Motörhead]]. Al grup al vins anc un [[grammy award]] in dla sesiòṅ „Best Metal Performance“ p'r al braṅ ''I Don't Want To Change The World''.

== Acùśi ad mesàǵ lugâ in dal cansòṅ ==

[[File:Ozzy Osbourne.jpg|200px|thumb|left|Ozzy Osbourne in dal 2007]]

Dimóndi parsòni i gh'aṅ da spés dâ adòs par via di sò cumpurtamènt e dla sò mùśica fin da i tèmp di [[Black Sabbath]], specialmènt da quànd òṅ di sò sustenidōr, ''John McCollum'', un ragàs ad dasnóṿ an, al s éra tirâ na sćiuptàda in sal grugn al 26 'd Utóbar dal 1984 méntar 'l éra drē a scultàr la canta '''Suicide Solution''' cun un walkman a gl'uréci. La "Institute for Bio-Acoustics Research Inc.", na dita specialiśàda in dal catàr i sòṅ, l'iva purtâ avànti l'idéa ch'ad dènt'r a cal braṅ lè a gh fus na fraś ch'la psiva dar di cuć par spìnśar i baghét a tōr-as la vita, ''"Why Try? Why Try? Get the gun and try it! Shoot! Shoot! Shoot!"'' (''Parchè pruvàr? Parchè pruvàr? Tó la pistòla e próv'la! Spara! Spara! Spara!''). ''Ozzy'' al s éra diféś dgénd che la canta l'éra stada scrita pinsànd a 'l cantànt di [[AC/DC]] [[Bon Scott]], mòrt [[imbariàg]] soquànt méś prima astufgâ pròpria da 'l sò gòmit e minga par cunvìnsar la gint a cupàr-as. I genitōr dal ragàs però i aṅ purtâ listés lò e la sò cà discugràfica, la [[CBS]], in tribunàl. Al 19 ad Dicémbar dal 1986 al giùdas ''John L. Cole'' al 'l à mandâ asòlt parchè, par la léǵ americàna, a n s pōl minga èsar cundanâ par na sò òpra 'd artìsta.

Di àtar mesàǵ subliminài i gh sarésan pò anc in dal canti '''Believer''' (la fraś «Watching the time go and feeling belief grow/ Rise above the obstacles» scultàda da cl'atra banda la pâr «Won’t you live? Believe me, for now suit yourself» ch'la vrés dir “A n scamparà't briśa? Créd-um, p'r adès fà quél ch'at piàś”) e '''Bloodbath in Paradise''' (in dua la fraś ch'la vèra la canta, scultàda a 'l cuntràri, la pâr dir «Your mother sells welts in hell», batùda dal film [[L'esorcista]] ch'la vōl dir “Tò màdar la ciùcia di cas a 'l infèran”).

== Discugrafìa ==

[[File:Ozzy_Osbourne_2011.jpg|360px|thumb|right|Osbourne tòlt śò durànt al Fèstival Rock 'd Azkena dal 2011]]
[[File:Sharon Osbourne and Kelly Osbourne at the 38th People's Choice Award (2).jpg|360px|thumb|right|La mujér 'd Ozzy Sharon insém a sò fiōla Kelly]]
[[File:OzzyOsbourne-1.jpg|360px|thumb|right|Ozzy Osbourne tòlt śò a Philadelphia cun 'd intóran di pulisiòt]]
[[File:Home of Metal exhibition, Birmingham Museum and Art Gallery.jpg|360px|thumb|right|La “Home of Metal” (''Cà dal Mètal'') dal muśéo ad Birmingham cun di disc 'd Ozzy in prim piàṅ e da drē dal chitàri di ''Judas Priest'', àtar grup ad cla sità ingléśa lè]]
[[File:Ozzy Osbourne's Star.jpg|360px|thumb|right|La stéla in unōr 'd Ozzy Osbourne a Hollywood]]

=== cun i [[Black Sabbath]] ===

==== Àlbum in studi ====
* <small>1970</small> - Black Sabbath
* <small>1970</small> - Paranoid
* <small>1971</small> - Master of Reality
* <small>1972</small> - Vol. 4
* <small>1973</small> - Sabbath Bloody Sabbath
* <small>1975</small> - Sabotage
* <small>1976</small> - Technical Ecstasy
* <small>1978</small> - Never Say Die!
* <small>2013</small> - 13

==== Disc da 'l viṿ ====
* <small>1980</small> - Live at Last
* <small>1998</small> - Reunion
* <small>2002</small> - Past Lives

=== da par lò ===

==== Àlbum in studi ====
* <small>1980</small> - [[Blizzard of Ozz]]
* <small>1981</small> - [[Diary of a Madman]]
* <small>1983</small> - [[Bark at the Moon]]
* <small>1986</small> - [[The Ultimate Sin]]
* <small>1988</small> - [[No Rest for the Wicked]]
* <small>1991</small> - [[No More Tears]]
* <small>1995</small> - [[Ozzmosis]]
* <small>2001</small> - [[Down to Earth]]
* <small>2005</small> - [[Under Cover]]
* <small>2007</small> - [[Black Rain]]
* <small>2010</small> - [[Scream  (Ozzy Osbourne)|Scream]]
* <small>2020</small> - [[Ordinary Man]]
* <small>2022</small> - [[Patient Number 9]]

==== Disc da 'l viṿ ====
* <small>1982</small> - [[Speak of the Devil]]
* <small>1987</small> - [[Tribute (Ozzy Osbourne)|Tribute]]
* <small>1993</small> - [[Live & Loud]]
* <small>2002</small> - [[Live at Budokan]]

==== Sìngui ====
* ''Crazy Train''
* ''Mr. Crowley''
* ''Flying High Again''
* ''Over the Mountain''
* ''You Can't Kill Rock N' Roll''
* ''Symptom of the Universe''
* ''Iron Man/Children of the Grave''
* ''Bark at the Moon''
* ''So Tired''
* ''Shot in the Dark''
* ''The Ultimate Sin''
* ''Crazy Train (Live)''
* ''Miracle Man''
* ''Close My Eyes Forever (cun la [[Lita Ford]])''
* ''No More Tears''
* ''Time After Time''
* ''Road to Nowhere''
* ''Mama, I'm Coming Home''
* ''Mr. Tinkertrain''
* ''Changes''
* ''Perry Mason''
* ''See You on the Other Side''
* ''I Just Want You''
* ''Walk on Water''
* ''Back on Earth''
* ''Gets Me Through''
* ''Dreamer''
* ''Changes (cun la [[Kelly Osbourne]])''
* ''Mississippi Queen''
* ''In My Life''
* ''I Don't Wanna Stop''
* ''Not Going Away''
* ''Black Rain''
* ''Let Me Hear You Scream''
* ''Life Won't Wait''
* ''Let it Die''

== Culegamènt estéran ==
* {{en}} [http://www.ozzy.com/ Al sit uficiàl]

== Soquànt vìddeo da 'l canàł uficiàł 'd ''Ozzy Osbourne'' in sal ''YouTube'' ==
* {{en}} [http://www.youtube.com/watch?v=bnNWUUZ7cEA Al vìddeo ad ''Bark at the Moon'']
* {{en}} [http://www.youtube.com/watch?v=MyR0r1m8enQ Al vìddeo ad ''Crazy Babies'']
* {{en}} [http://www.youtube.com/watch?v=FVovq9TGBw0 Al vìddeo ad ''Crazy Train'']
* {{en}} [http://www.youtube.com/watch?v=LCCiwPEdEpg Al vìddeo ad ''Dreamer'']
* {{en}} [http://www.youtube.com/watch?v=2AsLRPzqdpc Al vìddeo ad ''Gets Me Through'']
* {{en}} [http://www.youtube.com/watch?v=K0siYUjV9UM Al vìddeo ad ''Mama, I'm Coming Home'']
* {{en}} [http://www.youtube.com/watch?v=G3LvhdFEOqs Al vìddeo da 'l viṿ ad ''Mr. Crowley'']
* {{en}} [http://www.youtube.com/watch?v=j34juXrJWqw Al vìddeo ad ''Miracle Man'']
* {{en}} [http://www.youtube.com/watch?v=CprfjfN5PRs Al vìddeo ad ''No More Tears'']
* {{en}} [http://www.youtube.com/watch?v=YFSgYa8YfWk Al vìddeo ad ''Road to Nowhere'']
* {{en}} [http://www.youtube.com/watch?v=O_ypaOIVmaA Al vìddeo ad ''The Ultimate Sin'']

|sel=1
}}

{{Metal}}

[[Categoria:Cantànt ingléś|Osbourne, Ozzy]]
Modē druvê in cla pàgina ché:
Tōrna a Ozzy Osbourne.
Estratto da "https://eml.wikipedia.org/wiki/Ozzy_Osbourne"