时新图文

吳語是從上古漢語裡頭分化出來個，但是渠絕大多數個特點搭中古漢語是一脈相承個。從語音浪分析，吳語個聲母、介音搭仔韻母儕有邪氣多個特點與中古漢語密切相關。

吳語個聲母頂大個特點是保留仔中古漢語個全濁音（譬如“大”“從”“期”該些字個聲母），而與全清、次清鼎立，另外典型個吳語基本浪儕完整保留仔中古漢語個疑母鼻音，該兩點也是吳語區別於另外各支漢語個重要特點。

中古漢語一塌刮子有八種介音（四個等與開合口個組合）。絕大多數現代吳語個介音已經簡化成與四呼（開口、合口、齊齒、撮口）哉，有些場許嗰吳語（譬如杭州、義烏）會得有一兩個另外嗰介音，但是該種介音只好同少數特定嗰聲母搭韻母搭配，弗影響主流個四呼格局；湖州、蘇滬部份郊縣嘸沒撮口呼，個了實際浪只有三呼。中古介音對吳語語音（尤其是韻母）個演變有邪氣大個影響。

吳語裏向韻母個變化情況比較複雜。>>阅读全文

尔儂曉得𠲎？

• 湖州市何里隻街道名字是从飞英塔来个？
• 萧山何里隻村是2005年5月份辰光峡山头村、牌轩村、后坛村3隻村合并出来个？
• 上海临港新片区啥中运量系统（图）原先用个“数字轨道电车”，现在用个侪是双开门公交车？
• 何里家医院是叶澄衷个儿子拿自家私人花园叶家花园捐出来变成个？
• 湖州雙林啥人用照相机拍下来双林镇搭头一届杭州西湖博览会个老照片，记录箇辰光环太湖长三角地区城市搭仔农村？
• 上海市宝山区何里条马路是上海省道127？

吳語消息

聆聽箇文章 (信息/下載)

箇音頻文件是參照「封面」勒嗰一個版本創建嗰，渠不會隨文章嗰編纂自動更新。（音頻幫助）

更多有聲文章

• 2026年伊朗衝突綜合各方報導，二月底到三月初，美國幫以色列一淘對伊朗境內發起仔大規模軍事打擊。目標包括總統府搭核設施。伊朗最高領袖哈梅內伊（Khamenei）死脫。

• 伊朗反擊，望以色列个主要城市發導彈搭無人機。同時辰光還望在扗海灣國家裏丄个美軍基地發起襲擊，阿拉伯世界亂作一團。

• 中東國家空域儕畀人關脫，機票航班儕取消脫。伊朗講有計劃會得封脫石油運輸个霍爾木茲（Hormuz）海峽，隨後歐洲天然氣價鈿一記頭飆漲40%，國際丄股市也𢴳弗牢哉.